«Applied Economics Research Centre» жауапкершілігі шектеулі серіктестігі (бұдан әрі – AERC) 2010 жылы ғылыми, білім беру, басқарушылық қызметтерді жүзеге асыру, сондай-ақ аналитикалық және өзге де консультациялық көмек көрсету мақсатында құрылған ұйым.
Біздің мақсатымыз – интеллектуалдық өсу мен тұрақты дамуға ұмтылатын ұйымдар мен қоғамдық институттар үшін сенімді әрі сұранысқа ие серіктес болу. Біз клиенттерімізге негізделген шешімдер қабылдауға, инновацияларды енгізуге және тез өзгеріп жатқан экономикалық ортаға тиімді бейімделуге мүмкіндік беретін жоғары сапалы консультациялық және зерттеу қызметтерін ұсынуға басты назар аударамыз. Өз қызметіміз арқылы біз экономикалық ғылым мен практиканың дамуына елеулі үлес қосуға, тұрақты экономикалық өсуді қолдауға және өмір сапасын арттыруға ұмтыламыз.
Біз жұмысымызда жүйелі ұстанымды негізге аламыз. Біздің ойымызша, мәселелерді кешенді түрде қарастыру, оларды дұрыс анықтау және қызметтің әртүрлі құрамдас бөліктерін өзара байланыстыру ғана клиенттерімізге тиімділік пен тұрақты дамудың сапалы жаңа деңгейіне шығуға мүмкіндік береді.
Клиенттеріміздің мәселелері жиі ортақ себептерден туындағанымен, біз қолданатын әдістемелер шаблонды шешімдермен шектелмейді. Әрбір клиентке жеке тәсіл қолдану бізге бизнестің ерекшелігін, клиенттің нақты мәселелерін, негізгі құзыреттері мен даму мүмкіндіктерін терең түсінуге негізделген шешімдер табуға мүмкіндік береді. Толық құпиялылық, сенім мен өзара құрметтің кәсібилікпен ұштасуы – біз сізге ұсынатын табысты ынтымақтастықтың формуласы.
Инновацияларға бастайтын жетекші күш болу: мұқият зерттеу мен талдау арқылы құнды білім қалыптастыру және бизнес пен қоғамда табысты шешімдер қабылдауға ықпал ететін маңызды инсайттар ұсыну. Біз сараптамамыз бен сыни ойлауымыздың прогрес катализаторына айналып, тиімділік, инновация және тұрақтылық деңгейін арттыруға ықпал етуін көздейміз. Біздің жұмысымыз мықты дәлелдер күрделі сын-қатерлерді еңсерудің және жоғары нәтижелерге қол жеткізудің кілті деген сенімге негізделеді. «Дәлелдерге негізделген шешім» ұраны біздің іс-әрекетімізге бағыт беріп қана қоймай, дәлдікке, сапаға және нақты әсерге деген тұрақты адалдығымызды көрсетеді.
AERC-де біз әртүрлілік пен инклюзивтілік қағидаттарын ұстанамыз. Бұл қағидаттар жоғары нәтижелерге қол жеткізуге мүмкіндік беріп, ұйымымыздың және жалпы қоғамның үздіксіз дамуын ынталандырады.
AERC жаңалықтарынан хабардар болыңыз