Зерттеу мақсаты: Гендерлік талдау жүргізу арқылы микроқаржы ұйымдары (МҚҰ) секторындағы әйелдердің рөлі мен жағдайын бағалау.
Зерттеу кезеңдері:
1. Ашық қолжетімді деректер негізінде микроқаржы ұйымдарының қызметіне талдау жүргізу;
2. Микроқаржы ұйымдарында жұмыс істейтін ерлер мен әйелдер арасындағы айырмашылықтарды ресурстардың, мүмкіндіктердің, шектеулер мен өкілеттіктердің бөлінуі тұрғысынан анықтау мақсатында нысаналы топқа (МҚҰ-да жұмыс істейтін ерлер мен әйелдерге) әлеуметтік сауалнама жүргізу. Сауалнама арнайы әзірленген сауалнама парағы негізінде өткізілді.
Зерттеу міндеттері:
1. Микроқаржы ұйымдарында әйелдердің мансаптық өсуі барысында кездесетін ең кең таралған қиындықтарды анықтау;
2. Гендерлік әртүрлілікті қолдауға бағытталған бастамаларға қатысты көзқарастарды зерделеу;
3. Микроқаржы ұйымдарындағы, оның ішінде басшылық лауазымдардағы әйелдердің үлесін арттыру перспективаларын бағалау;
4. Микроқаржы ұйымдарындағы еңбек жағдайларын жақсарту және олардың қызметінің тиімділігін арттыру бойынша қосымша шараларға сұраныстың бар-жоғын анықтау.
